რატომ სჯობს ფილტრების შეცვლა გაზაფხულზე

გაზაფხული ის პერიოდია, როდესაც, ზამთრის დასრულების შემდეგ, მძღოლები ავტომობილის განახლებაზე იწყებენ ფიქრს და იმ აუცილებელი პროცედურების დრო დგება, რომელთაგანაც ერთ-ერთი ავტომობილის ფილტრების შემოწმება ან შეცვლაა. 

რა მოხდება, თუ ფილტრებს დროულად არ შეცვლით

ფილტრები პასუხისმგებელია არა მხოლოდ იმაზე, რომ ავტომობილით გადაადგილებისას სუფთა ჰაერი ისუნთქოთ, ან გაგრილების სისტემით ისიამოვნოთ, არამედ ავტომობილის გამართულ ფუნქციონირებაზეც.
 

• ჰაერის ფილტრი თუ მტვრიანია - ძრავის დაზიანების საფრთხეა

• ზეთის ფილტრი თუ ბინძურია - ზეთი ვერ იფილტრება და ძრავის სიცოცხლისუნარიანობა მცირდება

• საწვავის ფილტრი თუ გაჭედილია - მთელი სისტემა რისკის ქვეშ დგება

• სალონის ფილტრი თუ გასაწმენდია - უსიამოვნო სუნს იწვევს და ალერგიის რისკს აჩენს
  
  

რატომ გაზაფხულზე და არა უფრო გვიან

ფილტრების შეცვლის სხვადასხვა რეკომენდაცია არსებობს. თუმცა, საგზაო პირობები, ისევე, როგორც ამინდი, ბევრი მძღოლისთვის განსხვავებული შეიძლება იყოს, ამიტომ მნიშვნელოვანია, თქვენი ინსტინქტებით იხელმძღვანელოთ და შემოწმება არ გადადოთ მანამდე, სანამ აუცილებელი შეცვლის დრო არ დადგება. 

ვინაიდან საქართველოში მძღოლებს შემოდგომაზე საკმაოდ წვიმიან და ტალახიან, ზამთარში კი თოვლიან და მოყინულ გზებზე მოუწიათ მოძრაობა, დიდი ალბათობით, ფილტრებზე ბევრი მტვერი დაგროვდა. ამაში მარტივად დარწმუნდებით, თუ დააკვირდებით: 

• რამდენად სუფთაა ჰაერი სალონში

• როგორ ფუნქციონირებს კონდიციონერი

• ძრავა სიმძლავრეს ხომ არ კარგავს ან არათანაბრად ხომ არ მუშაობს
  
  

თუ ამ სიმპტომებიდან რომელიმეს მაინც ამჩნევთ, ეს მინიშნებაა, რომ ფილტრებს პრობლემა აქვს. ვინაიდან გაზაფხული ავტომობილისთვის გაწმენდის სეზონია, სწორედ ახლაა საუკეთესო დრო ფილტრების შესამოწმებლადაც.

ფილტრების შეცვლას დამოუკიდებლადაც შეძლებთ, თუ ჩვენს რჩევებს გაითვალისწინებთ. მაგრამ ზუსტი შეფასებისთვის სერვისში დიაგნოსტიკაც კარგი გამოსავალია.