უსაფრთხო და კომფორტული მგზავრობისთვის ავტომობილის ყველა დეტალი მნიშვნელოვან როლს ასრულებს. მათ შორის არის ფილტრები - როგორც საწვავისა და ზეთის, ისე ჰაერისა და სალონის.
რატომ უნდა შევცვალოთ ფილტრები
ფილტრების შეცვლის აუცილებლობა უსარგებლო რჩევად რომ არ მიიჩნიოთ, უნდა იცოდეთ, რა ფუნქცია აქვს მათ.
ფილტრების შეცვლა დიდ ხარჯებთან არ არის დაკავშირებული. ძველმა და ბინძურმა ფილტრებმა კი შეიძლება ძრავის ან სხვა სისტემის დაზიანება გამოიწვიოს, ეს კი საკმაოდ ძვირად ღირებული პროცედურებია.
რა პროცედურებია საჭირო ფილტრების შესაცვლელად
პირველ რიგში, უნდა შევთანხმდეთ, თუ სათანადო ცოდნა და გამოცდილება არ გაქვთ, საქმე პროფესიონალს მიანდვეთ. აუცილებელია უსაფრთხოების ზომებისა და შესაძლო რისკების გათვალისწინება, შესაბამისი ხელსაწყოებისა და ხელთათმანების ქონა.
ძრავის ჰაერისა და სალონის ფილტრის გამოცვლა შედარებით მარტივია და 10-15 წუთიც საკმარისია. ზეთისა და საწვავის ფილტრის გამოცვლას კი მეტი დრო და ცოდნა სჭირდება, ეს საკითხი მექანიკოსს ან სერვისცენტრს ანდვეთ.
საწვავის ფილტრის მდებარეობა დამოკიდებულია მანქანის მოდელზე. ის შეიძლება იყოს საწვავის ავზთან. საწვავის სისტემა წნევაზეა დამოკიდებული, ამიტომ ეს პროცედურა გამოცდილმა მექანიკოსმა უნდა გაიაროს.
ზეთის ფილტრის შესაცვლელად, ახალი ფილტრის გარდა, საჭიროა ახალი ზეთი და ავზი ან კონტეინერი ძველის გადმოსასხმელად. ის უმეტესად ძრავის ქვემოთ, ზეთის ავზთან მდებარეობს. ძრავა აუცილებლად გაციებული უნდა იყოს და მანქანა დომკრატით წამოწეული, ან სპეციალურ ორმოზე შემდგარი. ამასაც შესაბამისი ცოდნა სჭირდება.
ჰაერის ფილტრი ძრავის განყოფილებაში, შავ ყუთშია მოთავსებული, რომელიც შეიძლება სპეციალური მომჭერებით ან ხრახნებით იყოს დამაგრებული.
სალონის ფილტრი კაპოტის ქვეშ, წინა სავარძლებთან ან სანივთე უჯრის ქვევით მდებარეობს. შესაძლოა, ის ხუფით ან დამჭერით იყოს მიმაგრებული.
თუ გსურთ, ხარისხიანი და საიმედო ფილტრები გქონდეთ, Hengst-ის ბრენდით ისარგებლეთ, რომელიც OE (Original Equipment) ხარისხით არის ცნობილი, რაც ნიშნავს, რომ მათი ფილტრები ავტომწარმოებლის მოთხოვნებს ემთხვევა. Hengst ინოვაციურ მასალებსა და დიზაინს იყენებს, რაც ფილტრაციის ეფექტიანობასა და ფილტრების გამძლეობას აუმჯობესებს, შედეგად უზრუნველყოფილია ჰაერისა და ძრავის სისტემის სისუფთავე და საწვავის ხარჯი მცირდება.
ჰაერისა და სალონის ფილტრების შეცვლა ზეთის შეცვლასთან ერთად არის რეკომენდებული. თქვენი ავტომობილის საჭიროებაზე, ისევე, როგორც ფილტრების განლაგებაზე, ზუსტ ინფორმაციას მწარმოებლის სახელმძღვანელოში ნახავთ. მნიშვნელოვანია, გაითვალისწინოთ, რა პირობებში მოძრაობთ მანქანით და რამდენად იზრდება ფილტრების უფრო სწრაფად დაბინძურების შანსი. ამაში, ისევე, როგორც ფილტრების შეცვლაში, მექანიკოსი დაგეხმარებათ.
