ზაფხული სითბოს, დასვენებისა და მოგზაურობის სეზონია. თუმცა პასუხისმგებლობიანი მძღოლისთვის ის ავტომობილზე ზრუნვის პერიოდიც უნდა იყოს. მაღალი ტემპერატურა, მტვერი და ხშირი გადაადგილება მასზე არა მხოლოდ ტექნიკურად, არამედ ვიზუალურადაც აისახება. სწორედ ამიტომ ავტომობილზე შესაბამისი ზრუნვის გარეშე, კომფორტული მოგზაურობის ნაცვლად, შესაძლოა, გზაში პრობლემები შეგექმნათ.
ამ ბლოგში გაგიზიარებთ რჩევებს, რომლებიც თქვენს ავტომობილს ზაფხულის სეზონისთვის სრულ მზადყოფნაში მოიყვანს და თავიდან აგარიდებთ არასაჭირო ხარჯებს.
ზამთრის საბურავები ზაფხულში? არ გარისკოთ!
პირველი, რაც ზაფხულისთვის მანქანის მომზადებაზე გვახსენდება — საბურავებია. ბევრმა მძღოლმა შესაძლოა, იფიქროს, რომ ზამთრის საბურავებით გადაადგილება პრობლემა არ არის, მაგრამ ეს დიდი შეცდომაა.
საფრთხეები, რაც სეზონისთვის შეუსაბამო საბურავით გადაადგილებას მოჰყვება:
მნიშვნელოვანია ზაფხულისთვის სპეციალურად დამზადებული საბურავების გამოყენება. მსოფლიოში აღიარებული ბრენდი Bridgestone გთავაზობთ საბურავებს, რომლებიც გამოირჩევა:
მაღალ ტემპერატურაზე კარგი მოჭიდებით
Run-Flat ტექნოლოგიით — დაზიანების შემთხვევაშიც კი შეგიძლიათ გზის გაგრძელება სერვისამდე (გარკვეულ მოდელებში)
ხანგრძლივი ექსპლუატაციითა და საწვავის ეკონომიით
გაგრილება — შენთვის და ავტომობილისთვის
ზაფხულის ცხელ დღეებში კომფორტულად გადაადგილებისთვის მნიშვნელოვანია კონდიცირების სისტემის გამართული მუშაობა. თუ მოწყობილობა ხმებს გამოსცემს, არ აქვს საკმარისი ჰაერის ნაკადი ან სალონში იგრძნობა სპეციფიკური სუნი, პრობლემა მალევე უნდა მოვაგვაროთ. ხშირად ამისთვის მხოლოდ ფილტრების გამოცვლაც კი საკმარისია.
არ უნდა დაგავიწყდეთ ავტომობილის გაგრილების სისტემაც. თუკი ძრავის გადახურება გინდათ აირიდოთ, რადიატორი, თერმოსტატი და გაგრილების სითხე უყურადღებოდ არ უნდა დატოვოთ. ეს დაგეხმარებათ სამომავლოდ თავიდან აირიდოთ ზედმეტი ხარჯები, რომელიც ძრავის შეკეთების ან შეცვლის აუცილებლობას ახლავს.
ზეთი და სხვა სითხეები
ზაფხულის ტემპერატურა ავტომობილის სითხეებზეც მოქმედებს. ისინი შესაძლოა, აორთქლდეს ან თვისებები დაკარგოს, რაც ტექნიკურ პრობლემებს იწვევს.
რას უნდა მიაქციოთ ყურადღება:
ისეთი ბრენდები, როგორებიცაა Mobil 1 და Shell, ცნობილია მაღალი ხარისხის სინთეზური ზეთებით, რაც უკეთ იცავს ძრავას მაღალ ტემპერატურაზე, ამცირებს ხახუნს და ცვეთას. შედეგად ძრავაც უფრო სტაბილურია. მაღალი ხარისხის ბრენდების გამოყენებისას ზეთის ცვლის პერიოდიც უფრო ხანგრძლივია.
აკუმულატორი
მიუხედავად იმისა, რომ ზამთარში უფრო ხშირად გვახსენებს თავს აკუმულატორთან დაკავშირებული პრობლემები, სინამდვილეში სიცხეში ელექტროლიტები ორთქლდება და აკუმულატორის დატვირთვა იზრდება.
Varta-ს აკუმულატორები გამძლეა, სიცხის მიმართ მდგრადი და ენერგიის ეფექტიან გადანაწილებას უზრუნველყოფს, რაც ქალაქში მოძრაობისა და გრძელი მოგზაურობებისთვის იდეალური არჩევანია.
ავტომობილის ვიზუალური მოვლა
კიდევ ერთი, მარტივი და მნიშვნელოვანი გზა ზაფხულში ჩვენი მანქანების დასაცავად ხშირი გარეცხვაა, რადგან მტვერი და მაღალი ტემპერატურა ავტომობილის საღებავის დიდი მტერია. თუ საღებავზე ლაქების გაჩენა და ვიზუალის დაზიანება არ გინდათ, ეცადეთ, ავტომობილი ჩრდილში გააჩეროთ, რეგულარულად გარეცხოთ და ცვილის საღებავი ან სპეციალური დამცავი საშუალებები გამოიყენოთ.
და ბოლოს,
მარტივი და დროული ზრუნვა ავტომობილზე:
ამიტომ ნუ იფიქრებთ, რომ ეს პროცედურები არასაჭირო და ზედმეტი ხარჯია, პირიქით — ავტომობილისთვის დროულად გამოჩენილი ყურადღება და ხარჯები სამომავლოდ დაზოგილი დრო და ფინანსებია.
