იმის გასაგებად, თუ რატომ არ უნდა ვიაროთ მთელი წელი ზამთრის საბურავებით, უნდა ვიცოდეთ:
რა განსხვავებაა სეზონურ საბურავებს შორის
როდის არის მათი შეცვლის სწორი დრო
რა რისკებს ქმნის არასწორი არჩევანი
როდის უნდა გადავიდეთ ზაფხულის საბურავებზე
სახელწოდებისა და გამოყენების სეზონის გარდა, ამ საბურავებში განსხვავებულია რეზინის შემადგენლობა, პროტექტორის დიზაინი და მუშაობის ეფექტურობაც:
ზამთრის საბურავი - რბილი რეზინისგან მზადდება და დაბალ ტემპერატურაზე არ მყარდება, ყინვასა და თოვლში ელასტიკურობას ინარჩუნებს
ზაფხულის საბურავი - უფრო მყარი რეზინის ნარევი აქვს, მაღალ ტემპერატურაზე არ რბილდება, უკეთ მუშაობს თბილ და ცხელ ასფალტზე
საერთაშორისო პრაქტიკის მიხედვით, როცა დღიური ტემპერატურა სტაბილურად აღემატება +7°C-ს და ყინვის რისკიც აღარ არის, მძღოლებმა ზამთრის საბურავები უნდა შეცვალონ.
რა მოხდება, თუ სეზონურად საბურავს არ შევცვლით
თუ რეკომენდაციებს არ გავითვალისწინებთ, მზად უნდა ვიყოთ იმისთვის, რომ ტემპერატურის ზრდისას, თუნდაც 15-20°C-ზე ზამთრის საბურავის რეზინა ზედმეტად დარბილდება და ცვეთა საგრძნობლად დაჩქარდება. შედეგად:
დამუხრუჭების მანძილი გაიზრდება
საჭის მართვა ნაკლებად ზუსტი გახდება
საწვავის მოხმარება მოიმატებს
შესაბამისად, სხვა სეზონზე ზამთრის საბურავის გამოყენება არც უსაფრთხოა და არც ეკონომიური. ამის საპირწონედ კი, მაღალი ტემპერატურისას ზაფხულის საბურავები:
ამიტომ, როგორც პასუხისმგებლობიან და წინდახედულ მძღოლებს შეეფერებათ, როცა ტემპერატურის მატება დაიწყება:
დაიცავით „+7°C-ის წესი“ და სერვისცენტრს დროულად მიმართეთ
შეამოწმეთ ზაფხულის საბურავების პროტექტორი და წნევა
ზამთრის საბურავი კი გრილ და მშრალ ადგილას შეინახეთ.
